اسلام آباد – 28 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته بلاول ڀٽو اڃا لاڙڪاڻي ۾ شڪست جي صدمي مان ٻاهر ناهي آيو، هاڻي سنڌ مان به پيپلزپارٽي جو بسترو گول آهي، زرداري جي بيماري ۾ حڪومت جو ڪهڙو ڏوهه، حڪومت ٽيڪس ڏيندڙن جي پئسي سان انهن جو علاج ڪرائي رهي آهي. بلاول ڀٽو زرداري جي الزامن جي حوالي سان سماجي رابطن جي ويب سائيٽ ٽوئيٽر تي جواب ڏيندي هن چيو ته بلاول ڀٽو اڃا تائين لاڙڪاڻي جي شڪست جا زخم برداشت ڪري رهيو آهي ۽ ان صدمي کان ٻاهر ناهي آيو.
