اسلام آباد 28 فروری (اے پی پی) د خارجه دفتر وياند ډاکټر محمد فیصل يو ځل بيا پھ ډاګه كړې چې پاکستان د ترهه ګرۍ پشمول د ټولو مسئلو امناك حل له هند سره خبرو اترو له چمتو دے، کشمیر د دواړو هېوادونو ترمينځه بنیادی شخړه ده،پاکستان به چرې هم دې څخه په شا نه شي، د ترهه ګرۍ په بهانه د كوټلو شواهدو نه غير دا ډول جارحيت ټوله سيمه د تباهۍ سره مخ كولې شي، پاکستان به د خپلې دفاع لپاره كوم پلو نه ګورې مونږ په خپلو وسله والو ځواكونو او اولس بشپړ باور لرو، تاؤ ترېښوالې كمولو له د هندي وړانديز هركلې كوو، سمجھوته ایکسپریس د امنيتي وجوهاتو په سوب ايسار كړې شوې، پلوامه بريد پھ اړه هند ډوزیئرز پاکستان ته سپارلې دے۔ د زيارت پھ ورځ اوونيز بریفنګ پھ مهال وياند ووئيل هند د پلوامه بريد پھ اړه دستاویزات پاکستان ته سپارلې دي۔د دستاویزات مشاهدہ کوو۔ په كوټلو شواهدو به پاکستان بشپړه مرسته كوي۔پاکستان تاؤ ترېښوالې نه غواړي۔ هند سره د ترهه ګرۍ پشمول ټولې مسئلې د خبرو اترو د لارې حل كول غواړو ٬ خو کشمیر د دواړه هېوادونو ترمينځه بنیادی شخړه ده۔ پاکستان به دې څخه چرې هم په شا نه شي۔ د يوې پوښتنې په ځواب وياند ووئيل د هند پائلوټ زمونږ سره محفوظ او په ښه حالت كښې دے۔ پائلوټ له د جنګي بنديوان درجې وركولو پھ اړه به پريكړه ډير زر وكړې شي۔ وياند په ډاګه كړه چې پاکستان هيڅ ډول تاؤ ترېښوالې نه غواړي،مونږ خبرو اترو له چمتو يو خو هند د خبرو اترو څخه تخښتي۔ ده ووئيل زمونږ د امن خوښي دې کمزوری اونه ګڼلې شي، په مونږ جنګ مسلط کړې شوې او مونږ د هغې ځواب وركړې۔د يوې بلې پوښتنې په ځواب ده ووئيل مونږ د هند او پاکستان لپاره د یو این پوځي مبصر ډلې سره رابطه كړې او ډير زر به هغوي هغه ځائې ته بوتللې شي چرته چې هندي جنګي الوتكې رانسكورې كړې شوي۔ د هندي جارحیت په اړه د بيلو هېوادونو د اړخه د بیانونو پھ حقله د يوې پوښتنې په ځواب ده ووئيل مونږ له نړيوالې ورورولۍ باور راكړې كه د ترهه ګرو د ژالو پھ ضد کارروائی کول مقصود هم ؤ نو نړيوال قوانین د سيمه ايز جارحیت اجازه نه وركوي۔وياند ووئيل اوس خو په هند كښې دننه څخه غږونه راپورته كېږي چې د نریندر مودی پالیسۍ سيمه د عدم استحکام او تباهۍ سره مخ كولې شي۔د او آئی سی غونډې پھ اړه وياند ووئيل خارجه وزير شاہ محمود قریشی واضحه كړې چې كه د هند خارجه وزيرې سشما سوراج ابو ظهبی كښې د او آئی سی خارجه وزيرانو په کنفرنس كښې ګډون وكړو نو مونږ به پھ غونډه كښې ګډون نه كوو
