اسلام آباد 14 اکتوبر (اے پي پي) د پارلماني چارو وفاقي وزير سناتور اعظم خان سواتي وئيلي دي چې د هېواد معيشت به په راتلونكو څو مياشتو كښې مثبت رجحانات څرګند كړي۔ يو نجي ټي وي چېنل سره په خبرو كښې وفاقي وزير ووئيل چې د بدعنوانې د خاتمې نه بغېر كومه هم څانګه پرمختګ نه شي كولې۔ د يوې پوښتنتې په ځواب كښې ده ووئيل چې د مخالفې ډلې اېجنډا اېن آر او او د بدعنوانې په مقدمو كښې ريليف ترلاسه كول دي خو حكومت به بدعنوان عناصر نه پرېږدي او د كوم فرق نه بغېر به د احتساب عمل روان ساتي۔
