پېنډۍ 12 اکتوبر (اے پي پي) د پاكستان پوځ سرلښكر جنرال قمر جاوېد باجوہ او د برتانيې چيف آف ډيفنس سټاف جنرال سر نکلسن کارټر ترمېنځه ملاقات شوې۔ په دې موقع سرلښكر جنرال قمر باجوه ته ګارډ آف آنر وړاندې كړې شو۔ د ملاقات نه پس د پلاويو په كچه په امنيتي وضعه او مرسته مذاكرات وشول۔ د آئي اېس پي آر لخوا د جاري شوي بيان له مخې جنرال قمر جاوېد باجوه د دې نه پس د برتانيې د دفاع وزير ګيون وليم سن ٬ د برتانيې وزيراعظمې افغانستان ٬ پاكستان لپاره خاص استازي ګېرته بېلے او قامي سلامتيا لپاره سلاحكار مار سیډول سره ملاقاتونه كړي۔ د دې ملاقاتونو په مهال د سيمه ايزې سلامتيا په صورتحال او د شريكې خوښې په چارو خبرې اترې شوې دي۔ د برتانيې قيادت په متفقه توګه د پاكستان د ترهګرۍ په ضد جنګ كښې د غېر معمولي كاميابو اعتراف كړې او پاكستان كښې په امنيتي صورتحال كښې د ښه والي او منطقه كښې امن او استحكام لپاره د پاكستان د زړه پورې هلو ځلو ئې ستائنه كړې۔ د پوځ سرلښكر جنرال قمر جاوېد باجوه ووئيل پاكستان پرله پسې استحكام پلو روان دې او د پاكستان او برتانيې دوه اړخيزه امنيت او په نورو څانګو كښې اړيكې شريكې ګټې لپاره وړاندې پړاٶ ته بوتللو لپاره چمتو دے ۔
