اسلام آباد۔16ستمبر (اے پی پی) وفاقی وزیر داخلہ محسن نقوی ضلع کیچ اچ شہید تھیوݨ آلے کیپٹن وقار احمد اتے 4 جواناں کوں خراج عقیدت پیش کریندیں ہوئیں آکھیا جو کیپٹن وقار احمد اتے 4 جواناں شہادت دا وݙا رتبہ پاتے۔ آپݨے بیان اچ وزیر داخلہ آکھیا جو کیپٹن وقار احمد اتے جواناں دی قربانی کوں سلام پیش کریندوں۔ شہیداں آپݨے قیمتی لہو نال امن دی آبیاری کیتی اے۔ وفاقی وزیر داخلہ محسن نقوی کیپٹن وقار احمد اتے بئے شہیداں دے لواحقین نال دلی ہمدردی اتے تعزیت دا اظہار کیتا۔ وزیر داخلہ محسن نقوی آپریشن اچ فتنہ ہندوستان دے 5 دہشت گرداں کوں جہنم بھیجݨ تے سیکورٹی فورسز کوں خراج تحسین پیش کیتا۔ انہاں آکھیا جو قوم دہشت گردی دے خلاف جنگ اچ سیکورٹی فورسز دے نال کھڑی اے۔
.jpg)
