اسلام آباد۔22اگست(اے پی پی)وفاقی وزیر اطلاعات و نشریات عطاء اللہ تارڑ آکھیے جو قوم بھارت دے خلاف جنگ اچ سیسہ پلائی دیوار بݨ تے کھڑی رہی، حق دی ڄنگ جیت تے ڄق اچ ہک نوان ??اک??تان اٻھریے اتے ??اک??تان دی بہتر حکمت عملی پاروں بھارت دے “رائزنگ انڈیا” دے کوڑے بیانیے دی حقیقت کُھل ڳئی، انڈیا دا غرور اتے ہٹ دھرمی مٹی اچ مل ڳئے، جنگ اچ ??اک??تانی میڈیا ریاست دے بیانیے کوں عالمی سطح تے اڳونہا کیتے جݙاں جو وزارت اطلاعات دے جدید ڈیجیٹل وار روم بیانیے دی جنگ اچ فیصلہ کن کردار ادا کیتے۔ اسلام اباد اچ کونسل آف ??اک??تان نیوز پیپر ایڈیٹرز (سی پی این ای) دی تقریب نال خطاب کریندے وفاقی وزیر اطلاعات آکھیا جو اللہ دے فضل نال بھارت دے خلاف کامیابی نال جنگ لڑی ڳئی، کجھ لوک ??اک??تان کوں رائٹ آف کریندے پئے ہن ??ھل اللہ تعالیٰ ??اک??تان دی عزت اتے ماݨ ودھائے، ڄڳ اچ سبز ہلالی پاسپورٹ دی عزت اچ ودھارا تھیا اتے پوری دنیا ݙتھے جو پوری ??اک??تانی قوم ہک مٹھ تھی تے اے جنگ جیتی اے۔ وفاقی وزیر اطلاعات جنگ اچ ایوان اچ آپݨی تقریر دا حوالہ ݙتا جیںدے اچ انہاں آکھیا ہئی جو “اڄ او ویلھا آئے جو اساں آپس اچ متحد تھی تے بطور قوم اے جنگ لڑوں۔ انہاں آکھیا جو “اللہ تعالیٰ دی مہربانی نال اساں آپݨیاں زندگیاں اچ ??اک??تان کوں ایں فتح دا تاج پیندے فٹھے جیندے اچ ساکون وی حصہ پاوݨ دی توفیق ملی، ایں جنگ اچ سَب توں پہلے بیانیے دی جنگ شروع تھئی، دشمن کولو وسائل اتے عالمی اثر و رسوخ زیادہ ہئی ??ھل اساݙے کولو سچ دی طاقت ہئی اتے سچ دی ایں ط??قت مکار دشمن کوں مٹی اچ ملاوݨ اچ ساݙی مدد کیتی، جݙاں وزیراعظم کاکول اچ پہلگام واقعے دی تحقیقات دی گالھ کیتی تاں پوری دنیا ??اک??تان دے نال کھڑی تھی ڳئی اتے بھارت دا کوڑ بے نقاب تھیا۔ انہاں آکھیا جو “وزارت اطلاعات جنگ اچ ڈیجیٹل وار روم قائم کیتا جئیں موثر کردار ادا کیتا، میڈیا حکومت دے نال مونݙھا ملا تے اے جنگ لڑی، وزارت اطلاعات کلہیں اے جنگ نا جیت سڳدی ہئی۔ انہاں ڈی جی آئی ایس پی آر دا شکریہ ادا کیتا اتے آکھیا جو مکمل ہم آہنگی قائم رہی، ہک ہک لمحے دا رابطہ رہیا، انٹرنیشنل میڈیا تے حکمت عملی دے ذریعے سانجھا موقف پیش کیتا ڳیا، اے ہک اتے ہک یارھاں دی مثال ہئی جو ساریاں آپݨے آپݨے محاذ تے کامیابی نال اے جنگ لڑی۔ انہاں آکھیا جو دنیا بھر اچ ??اک??تان دا وقار ودھیا، دنیا دے لوک ہݨ آھدن جو اے او قوم اے جئیں انڈیا کوں ہرائے، بھارت دے “رائزنگ انڈیا” دے کوڑے بیانیے دی حقیقت کُھل ڳئی اے، انڈیا دا غرور اتے ہٹ دھرمی مٹی اچ مل چکیے۔ عطاء اللہ تارڑ آکھیا جو وزیراعظم شہباز شریف نیشنل سکیورٹی کونسل دی میٹنگ سݙوائی اتے آپ ایںدی صدارت کیتی، اہم فیصلے کیتے اتے پاݨی دے معاملے تے سٹینڈ گھدا، افواج ??اک??تان نیشنل سکیورٹی کونسل دے فیصلیاں تے بھرپور عمل درآمد کیتا، فیلڈ مارشل سید عاصم منیر کامیاب حکمت عملی بݨائی، ایئر چیف مارشل ظہیر احمد بابر سدھو اتے انہاں دے شاہیناں ایں جنگ اچ تاریخی کردار ادا کیتا، ایڈمرل نوید اشرف اتے پاک نیوی دے جواناں دی پوری تیاری ہئی جیکر لوڑھ پئی تاں “آپریشن دوارکا” دی تاریخ دہرائی ونڄے، ڄݙاں دشمن کراچی دا پورٹ تباہ نئیں کر سڳیا تاں ایںدے میڈیا لاہور یا ملتان دی پورٹس کوں نشانہ بݨاوݨ دا کوڑا رولا پاتا، جتنا سچ اتھوں ویندا پیا ہئی اتنا ہی کوڑ اتھوں آندا پیا ہئی اتے بھارت دا میڈیا ٻہوں گندا بے نقاب تھئے۔ وفاقی وزیر آکھیا جو ??اک??تانی میڈیا خارجہ پالیسی دا ترجمان اتے سفارتی کوششاں دا حصہ بݨ تے ملک دے دفاع کیتے موثر کردار ادا کیتے اتے بھارتی میڈیا دا کوڑ ڄڳ اچ بے نقاب کیتے۔ عطاء اللہ تارڑ بیانیے دی جنگ اچ سی پی این ای دے کردار دی تعریف کریندے آکھیا جو سی پی این ای دے ایں تاریخی کردار کوں سوھݨے لوظاں اچ یاد رکھیا ویسی، سی پی این ای وار ٹائم باڈی اے اتے ایندی تعریف کرݨی چاہیدی اے، بیانیے دی جنگ اچ ایں کونسل دا کردار غیر معمولی اے۔ وفاقی وزیر آکھیا جو اے ملک انشاء اللہ ہمیشہ قائم رہسی، بھارت رات دے اندھارے ا?? حملہ کیتا اتے اساں فجر دی نماز پڑھ تے فتح میزائل فائر کیتے، پوری قوم سیسہ پلائی دیوار بݨی رہی، اللہ تعالیٰ جنگ توں پہلے، جنگ دے دوران اتے جنگ دے بعد عزت اتے وقار نال نوازیا۔ انہاں آکھیا جو حکومت قومی ایشوز تے میڈیا نال بھرپور تعاون جاری رکھیسی، اساݙے دروازے سی پی این ای کیتے ہمیشہ کھلے ہن۔ وفاقی وزیر اطلاعات ??اک??تان دے یو ٹیوب چینلز دی بندش دے بعد بھارتی پلیٹ فارم تے ??اک??تانی اشتہارات چلاوݨ دی حکمت عملی دا وی ذکر کیتا اتے آکھیا جو اے ہک کامیاب حکمت عملی ہئی جئیں بھارت اچ خود ایںدی حکومت تے پریشر پاتا۔ انہاں آکھیا جو جنگ دے دوران ہر محاذ تے فتح ہک سانجھی کوشش ہئی، ایوارڈز اصل اچ پوری ٹیم دا اعزاز ہن، وزارت اطلاعات، میڈیا ادارے اتے ریاستی ادارے سَارے ایں کامیابی دے حقدار ہن۔ ایں موقع تے وفاقی وزیر اطلاعات شاکر شجاع آبادی دا ہک شعر وی پڑھیا۔
تو محنت کر تے محنت دا صلہ ڄاݨے خدا ڄاݨے
تو ݙیو?? ٻال تے رکھ چا، ہوا ڄاݨے خدا ڄاݨے
اے پوری تھیوے نہ تھیوے مگر بے کار نئیں ویندی
دعا شاکر توں منگی رکھ، دعا ڄاݨے خدا ڄاݨے
وفاقی وزیر اطلاعات وزیراعظم دے میڈیا کوآرڈینیٹر بدر شہباز وڑائچ، وزارت اطلاعات دے افسراں عنبرین جان، مبشر حسن، تصور عرفات چوہدری کوں وی خراج تحسین پیش کیتا۔ وفاقی وزیر اطلاعات آکھیا جو سیکریٹری اطلاعات عنبرین جان دے والد میجر عارف جان 1965ء دی جنگ دے ہیرو ہن۔ وزارت اطلاعات دے افسراں جنگ دے دوران بھرپور صلاحیتاں ݙکھائن اتے قومی بیانیے کوں عالمی سطح تے پیش کرݨ دے نال نال قوم کوں وی ایںدے نال باخبر رکھیے
