اسلام آباد 22 دسمبر(اے پي پي) د خارجه دفتر وياند وئيلي دي چې د مقبوضه كشمير وګړو لپاره د پاكستان د وېزه په پالېسې كښې د بدلون په اړه د مېډيا اطلاعات درست نه دي. د خارجه دفتر وياند لخوا د اتوار په ورځ جاري شوي بيان كښې وئيلي شوي دي چعې د مېډيا په ځينې څانګو د مقبوضه كشمير اوسېدونكو لپاره د پاكستان د وېزه پالېسې په اړه راغلي راپورونه په مكمل توګه بې بنسټه او غلط دي. د پاكستان هائي كميسون د مقبوضه كشمير اولس ته د حكومت د وېزه پالېسې او د پاكستان او هند د دوه اړخيزه لوظنامو له مخې وېزې جاري كوي. وياند ووئيل چې په دې لړ كښې په پالېسې كښې هېڅ بدلون نه دے شوے. وياند ووئيل چې كوم خلق د وېزې تقاضې پوره كوي چې څومره زر ممكنه وي، دوي ته وېزې جاري كولې شي.
