لاهور – 31 – آڪٽوبر (اي پي پي) نگران وزيراعظم انوارالحق ڪاڪڙ شاعر مشرق علامه محمد اقبال جي مزار تي حاضري ڀري ۽ فاتحه خواني ڪئي. وزيراعظم آفيس جي ميڊيا ونگ پاران جاري بيان موجب نگران وزيراعظم چيو ته شاعر مشرق جي خواب جي تعبير ماڻڻ جي لاءِ ننڍي کنڊ جي مسلمانن گڏجي جدوجهد ڪئي پر اقبال جي خواب جي مڪمل تعبير تڏهن ئي ممڪن ٿيندي جڏهن اسان بحيثيت قوم ملڪ جي بهتر مستقبل جي لاءِ جدوجهد ڪنداسين.
