اسلام آباد – 24 – اپريل (اي پي پي) اسلامي جمهوريه ايران جي صدر ڊاڪٽر سيد ابراهيم رئيسي پاڪستان جو دورو مڪمل ڪري ورتو. پرڏيهي آفيس پاران جاري بيان موجب ايراني صدر پاڪستان جي ٽن ڏينهن جي دوري دوران اسلام آباد، لاهور ۽ ڪراچي ويو. بيان ۾ چيو ويو آهي ته ايراني صدر ڊاڪٽر ابراهيم رئيسي جي پاڪستان جي دوري جي موقعي تي ٻنهي ڌرين لاڀائتي ڳالهه ٻولهه ڪئي ۽ واپار، رابطي، توانائي ۽ عوام سان عوام جي رابطن سميت ڪيترن ئي شعبن ۾ ٻطرفي تعاون کي اڳتي وڌائڻ تي اتفاق ڪيو.
