اسلام آباد-27 نومبر (اي پي پي)موٽروي ايم 2 ۽ موٽر وي ايم 11 کي ھر قسم جي ٽريفڪ لاءِ کوليو ويو آھي. گذريل ڏينھن نيشنل ھاءِ ويز اينڊ موٽروي پوليس طرفان جاري بيان مطابق عوام کي آگاھه ڪيو پيو وڃي ته موٽروي ايم 2 لاھور کان اسلام آباد ۽ موٽروي ايم 11 سيالڪوٽ کان لاھور ھر قسم جي ٽريفڪ لاءِ کوليا ويا آھن. موٽرويز ۽ ھاءِ ويز جي تازي صورتحال بابت ڄاڻ حاصل ڪرڻ لاءِ نيشنل ھاءِ ويز اينڊ موٽروي پوليس جي ٽال فري ھيلپ لائن نمبر 130 تي رابطو ڪري سگھجي ٿو. وڌيڪ موٽروي پوليس جي سوشل ميڊيا ھينڊلز کان به تازي ڄاڻ حاصل ڪري سگھجي ٿي.ا
