اسلام آباد 06 مئي (اے پي پي) اولس مشر ممنون حسېن د كورنيو چارو په وفاقي وزير احسن اقبال د بريد سخته غندنه كړې او وئيلي ئې دي چې د اختلافاتو اظهار بايد د تشدد د لارې ونه شي ځكه چې عدم برداشت ټولنې لپاره د زهر قاتل حيثيت لري كوم چې د هېواد د پرمختګ او استحكام په لار كښې تر ټولو لوي خنډ دے۔ د جاري شوي بيان له مخې اولس مشر ووئيل چې په هېواد كښې د اړي ګړي او د تشدد د ودې هڅه به په سختې سره چقولې شي۔ ده ووئيل چې بايد ټول سياسي قوتونه او د ژوند هرې څانګې سره تعلق لرونكي خلق د عدم برداشت خاتمې او د روادارې ودې لپاره يو بل سره مرسته وكړي۔ ده د احسن اقبال زر روغتيا لپاره دعا وكړه او د هغه كورنۍ سره ئې د يووالي څرګندونه وكړه۔
