اسلام آباد 08 جولائي (اے پي پي) د كشمير د نامتو حريت لارښود او د جمو كشمير لېبرېشن فرنټ لارښود ياسين ملك كورودانې او د پيس اېنډ كلچر آرګنائزېشن چيئرپرسن مشعال ملك وئيلي دي چې برهان واني شهيد اوس فوك هيرو جوړ شوے٬ بايد د پاكستان ټول سياسي ګوندونه په خپل انتخابي منشور او 100 ورځني پلان كښې د كشمير مسئلې په اړه عملي اقدامات شامل كړي۔ هغې دا خبرې د اتوار په ورځ په نېشنل پرېس كلب اسلام آباد كښې د پېس اېنډ كلچر آرګنائزېشن تر سيوري لاندې د ځوان كشمير حريت خوښي شهيد برهان مظفر واني د شهادت د ورځې په موقع جوړ شوي سېمينار ته د خپلې وېنا په مهال وكړې۔ سېمينار ته د پاكستان پيپلز ګوند سينئر لارښود فرحت الله بابر٬ د پاكستان تحريك انصاف لارښود سيد ظفر علي شاه٬ نامتو دفاعي تجزيه كارې ډاكټر ماريه سلطان٬ د حريت كنفرنس مشر عبدالحميد لون او نورو هم وېنا وكړه۔ مشعال ملك ووئيل چې كشميرې قوم پاكستان او پاكستانې قوم كشميريانو سره د مينې او محبت رشته لري۔ هغې ووئيل چې برهان واني د كشميريان ريښتينې هيرو جوړ شوے۔ هند به يوه ورځ كشميريانو ته آزادي وركول وي۔
