اسلام آباد۔11اکتوبر(اے پی پی) مملکت ډاكټر عارف علوي د پاكستان او قطر ترمينځه شريكې ګټې لپاره د معيشت او دفاع په څانګو كښې د اړيكو لا مضبوطولو په حاجت زور راوړلو سره هيله څرګنده كړې چې د دواړو هېوادونو ترمينځه به همكاري په راروانو كلونو كښې لا مضبوطه شي۔ د ايوان صدر پرېس ونګ له مخې صدر مملكت ددې خيالاتو څرګندونه ده د قطري وسله والو ځواكونو چیف آف سټاف لېفټېننټ جنرل (پائلټ) سلیم حماد عقیل النابت سره خپلو خبرو كښې وكړه كوم چې سره د خپل پلاوي د شورؤ په ورځ په ايوان صدر كښې صدر مملكت سره ملاقات وكړو۔ په ملاقات كښې د پاك هوائي ځواك مشر ائیر چیف مارشل ظهیر احمد بابر سدھو او اعلیٰ سرکاری چارواكي هم موجود وو۔ صدر مملکت ووئيل پاك قطر اړيكې په ګټورو كاروباري او اقتصادي اړيكو كښې بدلېدې شي۔ ده ووئيل د روان كال په مهال به د پاكستان او قطر ترمينځه د سفارتي اړيكو 50 مه سالګره لمانځلې شي۔ صدر مملكت د تېر كال سېلاب په مهال د مالي مرستې په كولو د قطر مننه وكړه۔ صدر مملکت قطری چیف ته د نشان امتیاز (ملټری) په ترلاسه كېدو مباركي هم وركړه۔ صدر مملكت ده ته دا اعزاز د دواړو هېوادونو د ځواكونو ترمينځه همكارۍ ته د ودې وركولو په اعتراف كښې وركړو۔
