اسلام آباد 24 اکتوبر (اے پي پي) د قامي اسمبلۍ سپيكر راجه پروېز اشرف وئيلي دي چې کشمير د پاکستان شا رګ دے٬ د كشمير كشالې تر حل كېدو په منطقه كښې تل پاتې امن ممكن نه دے، پاکستان به د نړۍ په ټولو سيمو او نړيوالو فورمونو د كشميريانو د خپلواكۍ حق د تحريك ملاتړ كوي او د كشمير تر آزادۍ به د كشميريانو اخلاقي او سفارتي ملاتړ جاري ساتي۔ د آزاد جمو و کشمير د تاسيس په 76مه ورځ خپل پېغام كښې ده ووئيل دا ورځ هر كال د 24م اكتوبر كال 1947 كښې د آزاد جمو و كشمير رياست جوړېدو په ياد كښې په روايتي جوش او جذبې سره لمانځلې كېږي، په دې ورځ د ملګرو ملتونو د سلامتي كونسل د قراردادونو له مخې هند په غېر قانوني توګه د مقبوضه جمو و كشمير تر آزادۍ د هلو ځلو جاري ساتلو د عزم تجديد كېږي۔ په دې موقع سپيكر د آزاد كشمير شهيدانو او اتلانو ته خاص پېرزوېنې وړاندې كړې۔ ده ووئيل د دې شهيدانو عظيم قربانۍ هېڅ كله د هېرېدو نه دي
