ډیووس۔17جنوری(اے پی پی) نګران وزيراعظم انوار الحق كاكړ وئيلي دي په پاكستان كښې د ټول تاكنو هلې ځلې روانې دي ٬ اولس به د فرورۍ په 8 مه نېټه د رائے حق به كارولو راروانو 5 كلونو له د خپل حكومت ټاكنه وكړي٬ د معيشت بحالي تر ټولو وړومبۍ ترجيح ده٬ اقتصادی اصلاحات ضروري دي٬ په پاكستان كښې د چا په زندان كښې د اچولو په شا كوم سياست نه دے شوے٬ اړے ګړے رامخې ته كوؤنكي عناصر قانون او عدالت سره مخا مخ كول شي۔ د دې خيالاتو څرګندونه ده په نړيوال اقتصادي فورم كښې د ګډون په موقع “سی اېن بی سی” سره مركه كښې وكړه۔ نګران وزیراعظم انوار الحق کاکړ د يوې پوښتنې په ځواب كښې ووئيل الېکشن کمېشن راروانو ټولټاكنو لپاره آئيني غوښتنې ترسره كړي۔ په پاكستان كښې د ټولټاكنو هلې ځلې روانې دي۔ ټاكنې كول يوه آئيني ذمه واري ده كومه به چې نګران حكومت په ښه ډول ترسره كړي۔ ده ووئيل پاكستاني اولس ته په ټول ټاكنو كښې د رائے كارولو موقع وركول زمونږ ذمه واري ده۔ د ټاكنو په نتيجه كښې به اولس راروانو 5 كلونو لپاره د خپلو نمائندګانو ټاكنه وكړي۔ ده ووئيل د پاكستان په شمول د نړۍ په يو شمېر سيمو او هېوادونو كښې جمهوريت ارتقائي پړاؤنو څخه تېرېږي په كوم كښې چې بېل ډول چېلنجونه رامخې ته كېږي۔ په لوئيديزو هېوادونو كښې هم جمهوريت د اعلی معيار له مخې نه دے۔ ده ووئېل په پاكستان كښې د ټول ټاكنو جاج اخستو له به د داخلي او بهرنۍ ميډيا نمائندګانو سره سره نړيوال مبصرين هم موجود وي۔ د ميډيا آزادۍ په اړه د يوې پوښتنې په ځواب كښې ده ووئيل په پاكستان كښې ميډيا د لوئيديزې ميډيا څخه زياته آزاده ده۔ په لوئيديز كښې ميډيا زياتو سختو رېګولېشنز سره مخ ده۔ د يو سياسي ګوند لارښود زندان ته د تللو په اړه د پوښتنې په ځواب كښې ده ووئيل په پاکستان كښې سياسي آزادي ده ٬ د كوم سياسي ګوند د لارښود په زندان كښې پاتې كېدل د هغه د سياسي رائے يا سياسي خيالاتو د لاسه نه دي٬ كوم كسان چې په زندان كښې دي هغوي په هېواد كښې د اړي ګړي په رامخې ته كولو كښې ككړ دي٬ په كوم هم مستحكم او جمهوري هېواد كښې هنګامې او اړے ګړے د زغملو وړ نه وي۔ قانون او انصاف به خپله لاره پخپله جوړوي۔ د يوې بلې پوښتنې په ځواب كښې ده ووئيل د معيشت بحالي زمونږ اولنۍ ترجيح ده٬ اقتصادی اعشاریې په سم لوري روانولو له د اصلاحاتو عمل ضروري دے۔ ده ووئيل د آئی اېم اېف شرطونه ترسره كوؤ۔ نګران وزيراعظم ووئيل د ترهګرۍ په ضد پاكستان يو مضبوط دريځ لري ، پاکستان د هر ډول ترهګرۍ غندنه كوي ، ده ووئېل د غېر قانوني افغان كډوالو بېرته لېږل ضروري وو۔ ده ووئيل پاكستان د تېرو څلور پنځو لسيزو راهېسې د افغان كډوالو كوربتوب كوي٬ په غېر قانوني توګه مېشته بهرني د پاكستان امنيت لپاره د خطر سبب ګرځي٬ پاكستان ته چې څوك راتلل غواړي هغه د قانوني دستاوېزات سره پاكستان ته راتللے شي۔ د يوې بلې پوښتنې په ځواب كښې وزيراعظم ووئيل چين سره پاكستان د اړيكو يو تاريخ لري ۔ ده ووئيل ټولټاكنو څخه وروستو د پاکستان د معاشي او سیاسي استحکام په نتيجه كښې د پرمختګ بشپړ صلاحيت موجود دے
