اسلام آباد۔01جولائی(اے پی پی)د بېنظيرانكم سپورټ پروګرام(بي آئي اېس پي)چيئرپرسن سېنېټر روبينه خالد وئېلي دي بي آِئي اېس پي پروګرام د شهيدې بېنظيربهټو د سياسي وژن عكاسي كوي۔لاهور ماډل ټاؤن كښې د پاكستان پيپلز پارټي د سنټرل پنجاب سېكرټرېټ كښې د مېډيا استازو ته خطاب كولو په مهال دې په دې خبره رڼا واچوله چې څنګه او په څومره محنت بېنظيربهټو دبئي كښې د خپلې جلا وطنۍ په مهال د بېنظيرانكم سپورټ پروګرام په خدوخال كار كړے او د دغې نه پس صدر مملكت آصف علي زرداري دې پروګرام ته عملي شكل وركړے ۔سېنېټر روبينه خالد په دې خبره زور راوړو چې بېنظيرانكم سپورټ پروګرام پاكستانۍ مېرمنې په مالي توګه خپلواكه كولو سره دوي ته ښه شناخت وركړے۔دې ووئيل په تېر وخت كښې بېلو سياسي ګوندونو د بېنظيرانكم سپورټ پروګرام د نامې بدلولو هڅه كړې چې د هغوي د منفي فكري سوچ عكاسي وه٬ د بي آئي اېس پي چيئرپرسن ذمه وارۍ سنبهالولو نه پس صدر مملكت آصف علي زرداري ښكاره هدايت راكړي چې مستحقو مېرمنو له په بشپړه سپيځلتيا او احترام سره مالي مرسته وركول باوري كړئ
