اسلام آباد۔16اپریل(اے پی پی)راجہ پرویز اشرف بلا مقابلہ سپیکر قومی اسمبلی منتخب تھی ڳین۔ پینل آف چیئر ایاز صادق سابق وزیراعظم اتے رہنما پیپلزپارٹی راجہ پرویز اشرف توں نویں سپیکر دا حلف ڳھدے۔ راجہ پرویز اشرف آکھیے جو اپݨے قائد آصف زرداری، شہدا دے وارث بلاول بھٹو دا ممنون ہاں، وزیراعظم، خالد مگسی، اختر مینگل سودھا ہک ہک رکن دا مشکور ہاں جو میکوں 22 واں اسپیکر بلامقابلہ منتخب کیتا ڳئے۔ اے تاریخ اچ پہلی واری اے جو کہیں سابق وزیراعظم کوں اسپیکرچݨیا ڳئے۔ انہاں آکھیا جو مسائل دا حل نعرے دی سیاست اچ نئیں، مشاورت اتے باہمی اتفاق اچ اے۔
