اسلام آباد۔28جون(اے پی پی)وزیراعظم شہباز شریف آکھیے جو خود انحصاری ہی قوم دی سیاسی و معاشی آزادی دی ضمانت اے، پچھلی حکومت بجلی دی پیداوار دے منصوبیاں اچ دیر اتے گیس دے سستے اتےلمبی مدت دے معاہدے نہ کر تے ملک دا ضیان کیتے، اساں سپر ٹیکس دا پیسہ ضائع نہ تھیوݨ ݙیسوں، ریئل اسٹیٹ ملک دا حصہ اے ٻھل سٹے بازی نئیں تھیوݨی چاہیدی، زراعت دے شعبہ دی ترقی کیتے کساناں کوں سوکھ ݙتا ویسی، افغانستان توں کوئلے دی درآمد نال سالانہ ݙو ارب ڈالر بچسن۔اے ڳالھ انہاں اسلام آباد اچ ”ٹرن ارائونڈ پاکستان” کانفرنس نال خطابا چ آکھی جیندے اچ وفاقی وزرا، ارکان پارلیمنٹ، معاشی ماہرین اتے کاروباری شخصیات سودھا صحافیاں شرکت کیتی۔ وزیراعظم آکھیا جو ساݙی منزل خود انحصاری اے، مخلوط حکومت اچ چارے صوبیاں دی نمائندگی اے ءجیکر صلاح شمورے نال ٹروں تاں ملک کوں وݙا فیدہ تھیسی، اللہ ساکوں وݙیاں نعمتاں ݙتن ٻھل اساں انہاں کوں صحیح استعمال نا کر تے پچھو تے رہ ڳئے ہیں، پاکستان وسائل اتے باصلاحیت لوکاں نال مالا مال اے، ریکوڈک اچ ارباں ڈالر دا خزانہ پئے۔ انہاں آکھیا جو ساݙی ایٹمی صلاحیت جارحیت نئیں صرف ساݙے دفاع کیتے اے، اڄ تیل و گیس دے مسئلے پاروں توانائی دا مسئلہ ودھدا ویندے، ایل این جی نا ہووݨ پاروں جولائی اچ بجلی دی ودھ لوڈشیڈنگ تھیسی۔ وزیراعظم آکھیے جو اڄ اساں اوکھے ہیں اتے اے ساریاں دی ذمہ داری اے جو اساں رل تے معیشت کوں ٹھیک کروں، ایں سانڳے ہر اوکھا فیصلہ کرݨا پوسی۔
.jpg)
.jpg)
.jpg)
