اسلام آباد 15 مئي (اے پي پي) د پښتون ژورنالېسټس اېسوسي اېشن (پي جے اے) وړومبنۍ ټاكلې كابينې سوګند پورته كړے دے ۔ د سوګند پورته كولو دستوره په نېشنل پرېس كلب اسلام آباد كښې وشوه٬ سېنېټ كښې د فاټا غړو پارلماني لارښود سناتور اورنګزېب اوركزئۍ د پي جے اے صدر طائر خان ٬عمومي سېكتر ګوهر محسود ٬ نائب صدر عامر اپريدي او نورو عهدېدارو څخه سوګند اخستې دے۔ په دستوره كښې پخواني سناتور فرحت الله بابر او د اے اېن پي لارښودې بشرېٰ ګوهر هم ګډون وكړو۔ په دې موقع په خپل خطاب كښې سناتور اورنګزېب اوركزئۍ ووئيل هيله لرو چې پي جے اے به د پاكستان د قانون او آئين له مخې د پښتنو خبريالانو خېر ښګړې لپاره كردار ترسره كړي۔ده ووئيل دا زمونږ ذمه واري ده چې د خپل هېواد او قام لپاره غږ پورته كړو۔ بشرېٰ ګوهر ووېيل د بده مرغه مركزي ميډيا كښې په پښتنو او په خاص توګه د فاټا په مسئلو موثره خبره نه كېږي او په ميډيا كښې د سنسر شپ پاليسۍ عمل كېږي۔ پي جے اے له به د سنسر شپ برخې ګرځېدو په ځائ د پښتون قام مسئلې هم رامخې ته كول وي۔ دستورې ته خپلې وېنا كښې پخواني سناتور فرحت الله بابر ووئيل هيله لرو چې پي جے اے به د پښتنو د ژبې او كلتور حفاظت لپاره هم كردار ترسره كړي۔ ده ووئيل پښتون قام دا مهال ځينو ستونزو سره مخ دے ٬ پي جے اے دي خپل قلم او مائيك د فاټا مظلومو خبريالانو ښګړې لپاره وكاروي۔ ده ووئيل پي جے اے سره به په هر فورم بشپړه مرسته كولې شي۔
