كوالالمپور 21 نومبر (اے پي پي) وزيراعظم عمران خان وئېلي دي چې چا ته به نه اېن آر او وركړو او نه به د چارټر آف ډيموكرېسي په نوم د مك مكا اجازه وركړو٬اپوزېشن د حكومت خاتمې لپاره ډېر په تندۍ كښې دې٬هغوي يره لري چې تر څو عمران خان په حكومت كښې وي٬دوي لپاره به د خطرې ټلۍ غږېږي٬ځكه چې كله د غلو خبره كوم نو اپوزېشن شور پېل كړي٬حكومت به د احتساب عمل مخ په وړاندې بوځي٬حكومت د برآمداتو اضافې٬د سرمايه كارۍ ودې٬د ترسيلات زر عمل قانوني او باضابطه كولو او د مني لانډرنګ خاتمې لپاره د څلور نكاتي پروګرام له مخې د معيشت د بهترۍ په پالېسۍ روان دې٬پاكستان ته چې څومره پيسه راتلونكې ده د دې پھ نتيجه كښې به مونږ كله هم قرض او مرستې ته ضرورت ونه لرو بلكې مونږ به په خپله غريب هېوادونو ته قرض او مرسته وركړو٬راتلونكې اونۍ به د حكومت لخوا د غربت خاتمې لپاره د يو لويې پروګرام اعلان كولې شي٬سرمايه كارو ته په هېواد كښې د سرمايه كارۍ او د تجارت آسانۍ وركولو لپاره د وزيراعظم په دفتر كښې يو دفتر جوړولې شي۔ده دا خبرې د شورو په ورځ د ملائېشيا په كوالالمپور ښار كښې پاكستانۍ ټولنې ته د خپلې وېنا په مهال وكړې۔وزيراعظم عمران خان ووئيل چې د خلكو٬ادارو او د قومونو په ژوند كښې لاندې باندې راځي٬دا ځكه چې د الله تعالٰی د طرفه دا يو پېغام وي چې تاسو غلطي كوۍ٬دا سمه كړئ كوم قومونه چې خپلې غلطۍ سمې نه كړي الله تعالٰی يې برباد كړي خو چې كوم قوم د خپلو غلطو نه زده كړه وكړي او د اصلاح په لار روان شي هغه قومونه مضبوط شي۔ده ووئيل چې د ملائېشيا دا خوش قسمتي ده چې د مهاتير محمد پشان لارښود وركړې شوې كوم چې د خپل ذات په ځاې د قوم سوچ كړې نه يې كومه خپله كارخانه لګولې او نه يې مني لانډرنګ كړې٬مهاتير محمد ثابته كړې چې حكمراني سمولو سره معاملات څنګه ښه كېدې شي۔وزيراعظم ووئيل چې پاكستان ډېرې وسيلې لري پاكستان چې كوم استعداد لري د نړۍ په يو هېواد كښې هم نشته٬د ملائېشيا لارښود په كم وخت كښې كمو وسيلو سره خپل قوم د خوشحالۍ او پرمختګ په لار روان كړې٬يو وخت وو چې د پاكستان صنعتي پېداوار د آسيا د څلورو هېوادونو نه زيات وو خو نن صورتحال دا دې چې 21 كروړه آبادۍ پاكستان د 24 اربه ډالرو برآمدات لېږي او د 3 كروړه د آبادۍ لرونكي ملائېشيا برآمدات د 220 اربه ډالرو نه زيات دي۔ده ووئيل قومونه كله د الله تعالٰی د اصولو پیروي نه كوي نو د هغوي په تقدير كښې بربادي ليكلې شوي وي خو چې قومونه كله محنت كوي او د الله تعالٰی د اصولو له مخې چلېږي نو د كاميابۍ منزل ته رسي۔وزيراعظم ووئيل چې نننۍ ورځ مونږ لپاره مباركه ورځ ده٬نبي كريم(ص)دا سبق راكړې چې قوم هغوي وي كوم چې د خپلو كمزورو خلكو خيال وساتي او د هغوي په باره كښې احساس او د رحم دلۍ جذبه ولري۔په دې بنيادونو نبي كريم (ص)د مدينې د رياست بنياد اېښې و په كوم كښې چې انسانيت مقدم ساتلې شوې و۔وزيراعظم وويئل چې د قرآن كريم د تعليماتو او د نبي كريم(ص)د اسوه حسنه د اصولو په بنياد مونږ ته پاكستان مخ په وړاندې بوتلل وي٬دا به داسې پاكستان وي چرته چې به د ټولنې كمزور خلكو ته آسانې وركړې شي۔ده ووئيل چې د راتلونكي اتوار په ورځ به د حكومت لخوا د غربت خاتمې لپاره د يو لويې پروګرام اعلان وكړې شي۔د غربت خاتمې پھ دې پروګرام كښې به مونږ د چين د تجربو نه استفاده كوو كوم چې خپل 70 كروړه وګړي د غربت نه ويستلې دي۔ده ووئيل چې زموڼږ حكومت د اولنې ورځې نه ستونزو سره مخ وو٬د قرضونو له امله د قسط ادا كولو ستونزې وې٬مونږ د دوست هېوادونو نه قرضې واخستې او هڅې كوو چې د آئي اېم اېف نه كم نه كمه قرضه واخلو خو دا عارضي حل دې۔د دې مسئلې مستقل حل لپاره حكومت پوخ عزم لري٬مونږ څلور نكاتي لائحه عمل تيار كړې چې له مخې به يې برآمدات زياتولې شي٬بهر مېشته پاكستانيان چې كوم ترسيلات زر رالېږي زمونږ هڅه ده چې دا په قانوني طريقه راولېږلې شي په دې لړ كښې د خزانې وزير يو پېكج جوړوي٬په دې كښې به خلكو لپاره آسانې وي او بهر مېشته پاكستانيان به قائل كړی شي چې په قانوني طريقه زرمبادله راولېږي نو دغسې هېواد ته د لس نه تر پنځلس ارب ډالر نوره مبادله ترلاسه كېدې شي٬دې سره به د پاكستان معاشي ستونزې كمې شي۔ده ووئيل چې 20 كاله وړاندې ډاكټر مهاتير ما ته وئېلي وو چې ملائېشيا پھ منافعه ګټلو كښې د سرمايه كارو مرسته كړې وه او په نتيجه كښې يې دلته بهرنۍ سرمايه كاري پېل شوې وه هم دا وجه ده چې ملائېشيا چې په يو وخت كښې يوازې ربړ ايكسپورټ كولو او نن يې د برآمدي تجارت حجم د 220 اربه ډالرو نه زيات دې۔د سرمايه كارۍ نه غېر كوم هېواد پرمختګ نه شي كولې كله چې سرمايه كاري پاكستان ته راشي نو بې روزګاره ځوانانو ته به د پاكستان نه د بهر تللو ضرورت نه وي۔ده ووئيل چې د پاكستان اپوزېشن زر تر زره د حكومت خاتمه غواړي٬په وړومبۍ ورځ زه وېنا كولو ته پرې نه ښودلې شوم حالانكه پھ نړۍ كښې حكومتونو ته لږ تر لږه 90 ورځې وركولې شي خو دوي د وړومبۍ ورځې نه هڅې كوي چې حكومت ختم شي ځكه چې دوي ويره لري چې څومره وخت د عمران خان حكومت وي دوي لپاره خطر موجود دې۔دوي ته معلومه ده چې ټول معلومات د كورنيو چارو وزير په حېث زما د نظر نه تېرېږي٬دا خلك ځكه شور كوي چې دوي ته معلومه ده چې جيل ته به ځو۔ده ووئيل چې دا د جمهوريت په نوم راغونډ شي په دې كښې ديني ګوندونه او لېبرل هم شامل دي خو دا جمهوريت لپاره نه بلكې خپله غلا پټ كولو لپاره يوځاې كېږي٬مونږ به يو يو را اونيسو۔وزيراعظم ووئيل چې دا يو مشكل وخت دې خو دا وخت به تېر شي سمندر پورې پاكستانيانو ته باور وركوم چې پاكستان ته دومره پيسه راروانه ده چې په نتيجه كښې به يې مونږ قرض او مرستې ته ضرورت نه لرو بلكې مونږ به پخپله غريب هېوادونو ته قرض او مرسته وركوو۔ده د سمندر پورې پاكستانيانو ستائنه كولو سره ووئيل چې دا پاكستاني خواري كښ دي د الله دوستان دي۔سمندر پورې پاكستانيان د هېواد په پرمختګ او خوشحالۍ كښې خپل كردار ترسره كوي٬زه باور دركوم چې انشاﺀالله په سباؤن كښې به تاسو د پاكستان نه بهر روزګار لپاره نه بلكې سېلګرۍ لپاره ځئ
