پېنډۍ 24 جنوري (اے پي پي) د پاك پوځ وياند مېجر جنرال آصف غفور وئيلي دې سرلښكر جنرال قمرجاوېد باجوہ د هند خپل همڅنګ سره د رابطې كله هم هڅه نه ده كړې ٬ دواړو پوځي مشرانو كانګو كښې د ملګرو ملتونو په امن مشن كښې په يو ځائ نوكري هم نه ده كړې۔ د آئي اېس پي آر له مخې ډي جي آئي اېس پي آر مېجر جنرال آصف غفور خپل ټوئټ كښې د هندوستان ټائمز د پاكستان سرلښكر د هند همڅنګ سره خبرو اترو لپاره د رابطو په اړه د خبر په حقله خپل غبرګون كښې وئيلي دي سرلښكر جنرال قمرجاوېد باجوہ د هند خپل همڅنګ سره د رابطې كله هم هڅه نه ده كړې٬ د دواړو هېوادونو ترمېنځه د خبرو اترو اختيار يوازې حكومتونو ته ترلاسه دے۔ د ياونې وړ ده د هندي ميډيا لخوا د پاكستان په ضد پرله پسې بې بنسټه ډنډورې كېږي٬ هندوستان ټائمز د پوځ سرلښكر په اړه بل يو بې بنسټه خبر وركړې چې پكښې هندوستان ټائمز د پاكستان آرمي چيف د هند خپل همڅنګ سره خبرو اترو لپاره د رابطو ادعا كړې وه
