اسلام آباد ۔ 22 اپرېل (اے پی پی) د خېبر پختونخوا د خېبر ضلعې درې كليو آئي ډي پيز بېرته تلو لړۍ او د نه رجسټرډ شويو آئي ډي پيز رجسټرېشن پېل كړې شوې دې۔ د خېبر پختونخوا د قبائلي ضلعې خېبر درې قبيلو کوکی خېل، قمبر خېل او ملک دین خېل قبيلو آئی ډی پیز بېرته تلو عمل د ګل ورځې څخه يو وارې بيا پېل شوې دې كوم به چې د راروانې مياشتې تر 5مې نېټې دوام لري۔ د بيا ودانۍ او بحالۍ ادارې کوآرډینېټر لطیف خان د ګل په ورځ اے پي پي سره خبرو كښې ووئيل د خېبر پختونخوا حکومت لخوا د خېبر ضلعې باقي پاتې آئي ډي پيز بېرته تلو عمل د ګل ورځې څخه پېل شوې دې۔ دغسې د غېر رجسټرډ آئي ډي پيز رجسټرېشن هم پېل كولې شي۔ ده ووئيل رجسټرېشن نه كوؤنكو آئي ډي پيز ته به د حكومت لخوا اعلان كړې شوې معاوضې او نورې آسانۍ وركولې نه شي۔ ده ووئيل خپلو سيمو ته بېرته تلونكو آئي ډي پيز ته به 10 زره روپۍ د ټرانسپورټ مد كښې او 25 زره روپۍ د كېش ګرانټ په توګھ وركولې شي۔ ده ووئيل چې بېرته تلونكو آئي ډي پيز ته ورلډ فوډ پروګرام د 6 مياشتو د خوراك څښاك راشن وركوي او دغسې د نورو اېن جي اوز لخوا دوئي ته د خېمو په شمول نور د ضرورت څيزونه هم وركولې شي۔
