اسلام آباد۔13جولائی(اے پی پی) د وزيراعظم د قامي روغتيا خصوصي مرستيال ډاكټر فېصل سلطان وئيلي دي خانداني منصوبه بندۍ كښې بايد خپلو وسائلو ته پام وكړے شي او په دې كښې توازن وساتلے شي چې مونږ به د خپلو كوچنيانو د ودې او تعليم او تربيې انتظام څنګه كوؤ۔ د ودانۍ نړيوالې ورځې په لړ كښې د لمانځل كېدونكې اونۍ په اړه جاري كړي خپل بيان كښې د وزيراعظم خصوصي مرستيال ووئيل د اولاد د خواهش حق هر خاوند او مېرمن لري بياهم دا خبره مهمه ده چې د كورنۍ منصوبه بندي كولو په وخت بايد خپلو وسائلو ته پام وكړے شي۔ او په دې كښې توازن وساتلے شي چې مونږ به د خپلو كوچنيانو د ودې او تعليم او تربيې انتظام څنګه كوؤ او دا به څنګه په زړه پورې ډول پايې ته رسوؤ۔ ده ووئېل په دې لړ كښې توازن برقرار ساتلو له دې خبرې ته پام كول ضروري دي چې مونږ د پاكستان بهترين وګړي جوړولو له خپلو كوچنيانو ته كومې آسانۍ وركولې شوو۔ دا خبره دې ياده وي د روغتيا وزارت ترسېوري لاندې د نړيوالې ودانۍ اونۍ د روانې مياشتې 11 مې نېټې نه تر 15 مې نېټې لمانځلې شي۔
