اسلام آباد 07 جولائی (اے پی پی(وزيراعظم شهباز شريف په پاكستان كښې د ټائرونو په صنعت كښې د چينائي كمپنۍ پاكستاني كمپنۍ سره د جائنټ وينچر هركلي كولو سره وئېلي دي چې پاكستان به د چين سرمايه كارو سره په پاكستان كښې د سرمايه كارۍ لپاره هر ډول مرسته وركوي۔د جمعې په ورځ د وزيراعظم آفس مېډيا ونګ لخوا جاري شوي بيان له مخې وزيراعظم محمد شهباز شريف سره د سروس لانګ مارچ ټائرز او د چائيو يانګ لانګ مارچ ټائرز پلاوي د چيئرمېن لي چنګوين په مشرۍ كښې ملاقات وكړو۔خاص مرستيال طارق پاشا او اړوند اعلٰی چارواكي هم په ملاقات كښې موجود وو۔وزيراعظم د پلاوي په پاكستان كښې د ټائرونو په صنعت كښې د معروف پاكستاني كمپنۍ سره د جائنټ وينچر د لارې د سرمايه كارۍ هركلے وكړو۔ وزيراعظم ته ووئيل شو چې د چينائي كمپنۍ سرمايه كارۍ سره په جوړ كړې شوي پلانټ كښې تيار شوي ټائر خرڅ لپاره نړيوالو منډيانو ته لېږلې شي۔ د چين كمپني به پاكستان كښې د ټائرونو پېداوار زياتولو سره كلن برآمدات تر 200 ملين ډالر رسوي۔ وزيراعظم اړوند چارواكو ته هدايت وكړو چې هغوي دې چينائي سرماريه كارو ته په پاكستان كښې د ټائرونو صنعت پياوړتيا لپاره هر ډول آسانۍ وركړي۔ ده اړوند چارواكو ته د ټائرونو قاچاق مخ نيوې باوري كولو او د ټائر او سپيئرپارټس قاچاق مخ نيوي لپاره زر تر زره د بشپړه پالېسۍ وړاندې كولو هم هدايت وكړو۔ وزيراعظم ووئيل چين د پاكستان پخوانې ملګرے هېواد دے٬ په سخت وخت كښې چين لكه د وروڼو د د پاكستان مرسته كړې۔ ده باور وركړو چې پاكستان به د چين سرمايه كارو سره په پاكستان كښې په سرمايه كارۍ كولو كښې هر ډول مرسته كوي
