اسلام آباد 23 اګست (اے پي پي) د داخله چارو لنډمهاله وفاقي وزير سرفراز بګټي د شورو په ورځ د نيکټا هيډ کوارټر دوره كړې٬ په دې موقع د نېكټا نيشنل کوآرډينيټر آئي جي محمد طاهر رائے داخله وزير ته بريفنګ وركړو٬ د دورې په مهال وفاقي وزير په پاكستان كښې د امنيتي صورتحال په نېشنل اېكشن پلان عملدرآمد او د نېكټا د تنظيم نو جاج واخستو۔ په دې موقع د داخله چارو وفاقي سېكتر عبدالله خان سنبل هم موجود ٶ۔ داخله وزير د دې عزم پخلے وكړو چې ترهګري او انتها خوښي په پاكستان كښې هېڅ ګنجائش نه لري٬ وفاقي حكومت خپلو قانون نافذ كوونكو ادارو سره دے دې ادارو ته به ټول وسائل او اسباب وركولې شي۔ ده ووئيل قام د خپلو شهيدانو د قربانيو قدر كوي او د دوي قربانۍ به عبث تللو له نه وركوي۔ ده ووئيل د پاکستان قامي بيانيه د پېغام پاکستان په فتوی اډانه ده او د هر ډول ترهګرۍ او انتها خوښۍ غندنه كوي۔ وفاقي وزير د نېكټا د كاركردګۍ ستائنه كولو سره د دې تنظيم نو كښې خوښي څرګنده كړه۔ ده ووئيل چې نېكټا دې د حقائقو په بنياد تجزيه كولو سره د ترهګرۍ او انتها خوښۍ مخنيوي پاليسۍ او لائحه مرتب كړي، د نېشنل ايکشن پلان مانيټرنګ دې جاري وساتلے شي٬ ټول صوبائي حكومتونه او اړوندې ادارې دې په دې بشپړه عمل وكړي او د عملدرآمد جاج به هره مياشت داخله وزير پخپله اخلي
