اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) تحت وفاقي تعيلم ۽ پيشيواراڻي تربيت واري ڊويزن جي لاءِ 8500 ملين رپيا رکيا ويا آهن. ان ۾ جاري اسڪيمن جي لاءِ 5900 ملين ۽ 7 نئين اسڪيمن جي لاءِ 2600 ملين رپيا رکيا ويا آهن. پي ايس ڊي پي موجب جاري اسڪيمن ۾ ڪيپسٽي بلڊنگ آف ايجوڪيشن مئنيجرز جي لاءِ 15.604 ملين رپيا، وزيراعظم ڊائريڪٽو تحت ڀارت جي غيرقانوني قبضي هيٺ ڄمون ۽ ڪشمير جي 1600 شاگردن کي وظيفن جي لاءِ 200 ملين رپيا رکيا ويا آهن. اسلام آباد جي 192 پرائمري اسڪولن ۾ اي سي اي ڪلاس رومز جي لاءِ 150 ملين رپيا، آئوٽ آف اسڪول چلڊن جر مسئلي تي ضابطو آڻڻ جي لاءِ قومي فنڊ قائم ڪرڻ جي لاءِ 100 ملين رپيا ۽ نيوٽيڪ جي لاءِ 1500 ملين رپيا رکيا ويا آهن.
