اسلام آباد – 22 – جون (اي پي پي) پاڪستان ۽ قزاخستان جي وچ ۾ ٻطرفي سياسي مشاورت جو ٻيو دور 26 جون 2023ع تي آستانا، قزاخستان ۾ ٿيندو. پرڏيهي آفيس جي ترجمان ممتاز زهره بلوچ پريس بريفنگ ۾ ٻڌايو ته ٻطرفي سياسي مشاورت ۾ پاڪستاني وفد جي قيادت پرڏيهي ايڊيشنل سيڪريٽري (افغانستان ۽ اولهه ايشيا) سيد احسن رضا شاهه ڪندو. جڏهن ته قزاخستان پاران پرڏيهي معاملن وارو نائب وزير ڪنات تميسٽ جي قيادت ڪندو. ڌريون ڳالهه ٻولهه ۾ سياسي، واپاري، اقتصادي رابطن، سياسي ۽ ٽيڪنالاجي ۽ ثقافتي ۽ عوام سان عوام جي رابطن ۾ ٻطرفن لاڳاپن جي سمورن رخن جو جائزو وٺندا. پاڪستان ۽ قزاخستان جي وچ ۾ ٻطرفي سياسي مشاورت جو افتتاحي اجلاس 28 فيبروري 2020ع تي اسلام آباد ۾ ٿيو هو.
