اسلام آباد 24 جولائي (اے پي پي) ګرد هېواد كښې د كال 2018 ټولټاكنو لپاره به پولنګ (نن) د شورو په ورځ كېږي٬ لس كروړه 59لكه 55 زره 409 ووټران به راتلونكې پنځه كالو لپاره د قامي اسمبلۍ 270 او د څلورو واړو صوبائي اسمبليو لپاره د خپلو نمائندګانو انتخاب كوي٬ د قامي اسمبلۍ ټولو چوكو لپاره د 3 زره 675 كانديدانو او د څلورو واړو صوبائي اسمبليو لپاره د 8 زره 895 كانديدان ترمېنځه مقابله ده ۔ د پولنګ په ورځ د عامې رخصتۍ اعلان كړې شوې او پولنګ به د سهار اته بجو نه تر ماښام 6 شپږو بجو د دمې نه غېر جاري وي۔ د پولنګ سټیشنو دننه او بهر به د پاك پوځ دوه٬ ځوانان امنيتي وظيفه ترسره كوي۔ د قامي اسمبلۍ په دوو چوكو ټاكنې ځنډولې شوې ۔ ټولټاكنو لپاره ټولې د 85 زره نه زياتې پولنګ سټیشنې جوړ كړې شوې چې پكښې د 17 زره نه زيات پولنګ سټیشنې انتهائی حساس ګرځولې شوې ۔ په دې پولنګ سټېشنونو كښې په وفاقي پايه تخت او پنجاب څخه 5487، سندھ څخه 5878، فاټا او خیبرپښتونخوا څخه 3874 او دغسې د بلوچستان 1768 پولنګ سټیشنې شامل دي۔ ګرد هېواد كښې د مېرمنو ووټرانو شمېره 4 كروړه 67 لكه 72 زره 263 ده۔ پنجاب كښې د ټولو ووټرانو شمېره 6 كروړ 6 لكھ 72 زره 870، سندھ كښې 2 كروړ 23 لاكھ 91 زره 244، خېبرپښتونخوا يوكروړ 53 لكھ 16 زره 299، بلوچستان 42 لكھ 99 زره 494، فاټا كښې 25 لاكھ 10 زره 154 او دغسې په اسلام آباد 7 لكھ 65 زره 348 ده۔د كال ټولټاكنو په مهال د درې نيم لكه نه زياتو پوځي اهلكارو سره سره څلور نيم لكه د سول آرمډ فورسز اهلكار امن او امان په ځائ ساتلو لپاره وظيفه ترسره كوي او په دې مهال به 7 لكه پولنګ عمله هم خپله وظيفه ترسره كوي۔ د ټاكنو كمېسون ټولې عملې او د امنيتي ادارو اهلكارو څخه د وظيفې په مهال د غېر جانبداره پاتې كېدو سوګند اخستې دې۔ د ټاكنو كمېسون سياسي ګوندونو ٬ كانديدانو٬ امنيتي اهلكارو ٬ ميډيا او د هېواد او خبرې ملكي مبصرينو لپاره ضابطه اخلاق جاري كړې او د 60 زرو نه زيات د ميډيا نمائندګانو ته د ټاكنو كمېسون لخوا پولنګ سټېشنونو ته رسنې لپاره خاص پاسونه جاري كړې دي۔ میډیا پابند كړې شوې د پولنګ ختمېدو تر يو ساعت تر اووو بجو به يو رزلټ نه جاري كوې۔ پریزائیډنګ آفیسران به د آر ټی اېس سسټم له مخې په سمدستي توګه د پولنګ سټېشن نتيجه د ټاكنو كمېسون او ريټرننګ افسر ته د لېږلو پابند وي۔ د ټاكنو كمېسون د پولنګ سټیشنونو پحقله بشپړه معلومات په وېب پاڼه جاري كړې دي۔ د ټاكنو كمېسون د پوځ په نګرانۍ كښې بېلټ پيپرز او انتخابي مواد د لېږلو كار ترسره كړې۔ د پاكستان پوځ او داسې سركاري اهلكار څوك چې د خپلو وظيفائي ذمه واريو له امله آن ډيوټي دي ھغوي خپل ووټ كاسټ كړې ۔ د انتخابي قانون كال 2017 له مخې ټول سياسي ګوندونه 5 فيصده عمومي چوكۍ مېرمنو ته د وركولو پابند كړې شوي٬ د كومې نه پس چې په قامي اسمبلۍ كښې د پيپلز ګوند 43 ٬ تحريك انصاف 42٬ د مسلم ليګ (ن) 37ټ اېم اېم اے 33٬ اېم كيو اېم پاكسان 6٬ ګرېنډ ډېموكريټ الائنس 8 او عوامي نېشنل ګوند 14 مېرمنو ته ټكټونه وركړې دي۔ د پنجاب اسمبلۍ لپاره 4 زره 242٬ سندھ اسمبلۍ لپاره 2 زره 382، خیبرپښتونخوا 1264٬ بلوچستان اسمبلۍ لپاره 1007 كانديدان مېدان كښې دي دغسې پنجاب څخه قامي اسمبلۍ 141 چوكو لپاره 1696 كانديدان٬ د سندھ اسمبلۍ 61 چوكو لپاره 872 ٬ د خېبرپښتونخوا او فاټا 51 چوكو لپاره 760 او دغسې بلوچستان څخه د قامي اسمبلۍ په 16 چوكو د 303 كانديدانو ترمېنځه به مقابله وي۔
