اسلام آباد 21 اګست (اے پی پی) د سېنېټ چيئرمېن محمد صادق سنجراني د چين پنځنه ورځنې دوره ترسره كولو نه پس هېواد ته راستون شو۔ د سېنېټ چيئرمېن د اګست په 15مه نېټه د پارلماني پلاوي مشري كولو سره د چين په دوره تللې و۔ په پلاوي كښې د بېلا بېلو ګوندونو استازي سناتور ه نزهت صادق ، ستارہ ایاز ، محمد اکرم ، دلاور خان ,کهدہ بابر ، بېرسټر محمد علی سیف ، مرزا محمد آفریدی او د سېنېټ سېكتر امجد پروېز ملک شامل وو۔ د دورې په مهال د سېنېټ چيئرمېن او پارلماني پلاوي مهمو سياسي او حكومتي استازو سره ملاقاتونه وكړل چې پكښې د پاكستان او چين ترمېنځه د اړيكو په لا ټينګولو اتفاق وشو۔ د دورې په مهال د سېنېټ چيئرمېن د چين سرمايه كارو ته په پاكستان كښې د لا سرمايه كارې كولو بلنه هم وركړه۔
