اسلام آباد 26 ستمبر (اے پي پي) د منصوبه بندې٬ پرمختګ او اصلاحات وفاقي وزير مخدوم خسرو بختيار وئيلي دي پاكستان د چين په مرسته ګودر بندر د نړۍ تر ټولو نوې بندر جوړولو سره د سمندر د لارې نړيوال تجارت ته وده وركولو لپاره بشپړه اقدامات كوي ځكه چې بحيره عرب او نهر سوېز د نړيوال تجارت تر ټولو مهمې تجارتي لارې دي۔ ده دا خبرې په قاهره كښې د دوه ورځي نړيوال كنفرنس په موقع وكړې۔ وفاقي وزير ووئيل بحيره عرب د سمندري لارو په حېث د نړيوال تجارت مركز دے او 70 فيصده نړيوال تجارت په دې لار كېږي او د دې لا ودې لپاره پاكستان او چين د سي پېك پروژه پېل كړې۔ ده ووئيل پاكستان به د بحري تجارت ودې لپاره لا اقدامات كوي او د چين په مرسته به ګوادر بندر د نړۍ د بحري تجارتي چارو مركز جوړولې شي۔
