اسلام آباد ۔ 7 جنوری (اے پی پی) د موسمياتو څانګې ترمخه د راروانو 24 ساعتونو په مهال به د اسلام آباد په شمول د هېواد په زياتره سيمو كښې موسم سخت يخ او خشك وي په دې مهال د پنجاب په مېداني سيمو ٬ پېښور ډويژن او د سندھ پورته سيمو كښې د شپې او سحر په وخت د دهند امكان دے۔ د تېرو 24 ساعتونو په مهال اسلام آباد ٬ پنډۍ ٬ ګوجرانواله ډويژن ٬ مالاكنډ ٬ هزاره ٬ كشمير او ګلګت بلتستان كښې په ځينو سيمو باران وشو او په غرونو واورې پرېوتې۔ د هېواد په نورو سيمو كښې موسم سخت يخ او خشك پاتې شو۔ دغسې د پنجاب په مېداني سيمو او د پېښور ډويژن او سندھ پورته سيمو كښې د سحر او شپې په وخت دھند وو۔
