پېښور ۔17جنوری(اے پی پی)د پېښور٬ مالاکنډ، نوښار ، مهمند، شبقدر،بونیر او شانګلې په شمول د خېبر پختونخوا په بېلو سيمو كښې تېره شپه 7 دقيقې دپاسه 1 بجه د زلزلې جړقونه محسوس كړې شول۔ د زلزلې له امله خلق ويرې واخستل او د استغفار ذكر سره له خپلو كورونو نه بهر راووتل۔ په رېكټر سكېل د زلزلې شدت 5.4 ريكارډ كړے شوے او د دې مركز زمكه كښې 198 كلوميټره ژوره كښې د افغانستان هندوكش منطقه كښې وو۔د زلزلې د لاسه تر دې دمه د كوم ځاني يا مالي زيان په اړه كومه اطلاع نه ده ترلاسه شوې۔
