اسلام آباد 19جولائي (اے پي پي) د کشمير او ګلګت بلتستان چارو وفاقي وزير انجينئر امير مقام وئيلي دي د خپلواكۍ حق لپاره کشميريانو د 7 لسيزو راهسې لوي قربانۍ وركړې دي، هغوې پاکستان سره تلپاتې تړون لري كوم چې هند په هېڅ صورت ختمولے نه شي٬ د شهيدانو په شين بيرغ كښې خاورو ته سپارل كېدل د کشميريانو پاکستان سره د مينې څرګندونه ده۔ د کشمير پاكستان سره د الحاق ورځې په اړه د جمعې په ورځ په خپل خصوصي پيغام كښې وفاقي وزير ووئيل په ننۍ ورځ په 19 جولائي 1947 د کشمير غېرتمند اولس پاکستان سره الحاق لپاره په سري نګر كښې قرارداد منظور كړے وو۔ انجينئر امير مقام ووئيل د خپلواكۍ حق لپاره کشميريانو د 7 لسيزو راهسې لويې قربانۍ وركړې دي، هغوې پاکستان سره تلپاتې تړون لري۔ د کشميري چارو وزير ووئيل پاکستان سره د کشميريانو قوي تړون هند چرې هم نه شي ختمولې، د شهيدانو په شين بيرغ كښې خاورو ته سپارل كېدل د کشميريانو پاکستان سره د مينې څرګندونه ده ۔ انجينئر امير مقام ووئيل کشميريان د پاکستان بيرغ د مقبوضه کشمير په هره كوڅه كښې پورته كوي، د خپلواكۍ حق او پاكستان سره الحاق لپاره کشميري ځوانان د خپلو پلارانو او نيكونو په څير لوظي دي۔ ده ووئيل د کشميريانو د خپلواكۍ حق ترلاسه كولو عزم كمزورې كولو لپاره د هند ټول چالونه به ناکامۍ سره مخ كيږي۔ ده زياته كړه چې پاکستان به د نړۍ په ټول فورمونو د کشميريانو بشپړه ملاتړ روان ساتي۔
