اسلام آباد۔21نومبر (اے پی پی) وزیر اعظم محمد شہبازشریف آکھیا جو سارے سرکاری اداریاں اچ شفاف طریقے نال خریداری اتے خدمات کیتے حکومت دی پہلی ترجیح اے۔ حکومتی اداریاں اچ پروکیورمنٹ دے عمل اچ شفافیت کیتے ٻاہرلے ملک سرمایہ کاراں دا پاکستان تے اعتماد ٻئیا ودھسی۔ سرکاری اداریاں اچ خریداری اتے سروسز کیتے خوصی پروکیورمنٹ سیل ٻݨائے ویسن۔ خمیس کوں وزیراعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت پبلک پروکیورمنٹ اتے گڈ گورننس بارے جائزہ اجلاس تھیا۔ ایں موقع تے وزیراعظم آکھیاجو سارے سرکاری اداریاں اچ شفاف طریقے نال خریداری اتے خدمات کیتے حکومت دی پہلی ترجیح اے۔ وزیراعظم پپرا (پی پی آر اے) اچ اصلاحات کر تے کہیں وی قسم دے اثر و رسوخ توں پاک ٻݨاوݨ دی ہدایت کریندیں ہوئیں آکھیا جو سارے سرکاری پروکیورمنٹس اچ تھرڈ پارٹی ویلیڈیشن بشمول کوالٹی اشورنس یقینی ٻݨائی ونڄے۔ وزیراعظم پروکیورمنٹ دے عمل اچ شکای??تا?? دے از??لے کیتے پروکیورمنٹ ایجنسی توں ہٹ تے کمیٹٰی ٻݨاوݨ دی ہدایت کریندیں ہوئیں آکھیا جو پپرا اچ میرٹ تے باصلاحیت، پیشہ ور اتے تجربہ رکھݨ آلے ماہرین لاتے ویسن۔ بریفنگ اچ ݙسیا ڳئیا جو پپرا آرڈیننس اتے متعلقہ قواعد و ضوابط دا جائزہ پورا تھی ڳئے اتے اے ترامیم جلدی وفاقی کابینہ دی منظوری کیتے پیش کیتی ویسن۔ اجلاس اچ وفاقی وزیر برائے اقتصادی امور احد خان چیمہ، وفاقی وزیر پٹرولیم ڈاکٹر مصدق مسعود ملک، وزیر خزانہ اورنگزیب خان، وزیر مملکت برائے آئی ٹی شزا ف??طم?? خواجہ، پپرا بورڈ ممبران، ورلڈ بینک کنٹری ڈائریکٹر اتے متعلقہ اداریاں دے اعلیٰ افسر شریک تھیے۔
.jpg)
