اسلام آباد۔17دسمبر(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو مسلم لیگ (ن) دی قیادت وݙے ظرف نال سیاسی انتقام دا مقابلہ کیتے، پی ٹی آئی ساݙی رواداری و اقدار دی سیاست کوں کمزوری سم??ھی??، انہاں دھرنے اتے احتجاج نال ملک اچ عدم استحکام دیاں کوششاں کیتن، کنٹینر توں بدتہذیبی، تشدد، احتجاج اتے انتشار دی نویں تاریخ لکھی اے، اسلام آباد اچ ناکام احتجاج دے بعد تحریک انصاف کوڑ اتے پروپیگنڈہ کھنݙائے۔ منگل کوں قومی اسمبلی اچ الیندے انہاں آکھیا جو پی ٹی آئی رہنما شیر افضل مروت رواداری اتے ڳالھ مہاڑ بارے مثبت خیالات ݙکھائن، اے ایوان جمہوری روایات سودھا وضع داری، رواداری و تحمل دا وی امین اے، اساں کݙاھیں وضع داری و رواداری تے سمجھوتہ کیتے نا پرتشدد سیاست تے یقین رکھدے ہیں، کݙاھیں کہیں کوں دشمن نئیں آکھیا، بانی چیئرمین پی ٹی آئی 2013ء دے الیکشن اچ لفٹر ت??ں ݙٹھے ہن تاں ساݙی انتخابی مہم چلدی پئی ہئی بھل سیاسی مخالف ہووݨ دے باوجود محمد نواز شریف پارٹی اجلاس سݙیا اتے اپݨی الیکشن مہم معطل کرݨ دا اعلان کیتا ہا، پارٹی دی پوری سین??ر لیڈر شپ نواز شریف، شہباز شریف، رانا ثناء اللہ، خواجہ آصف اتے خواجہ سعد رفیق شوکت خان ہسپتال گئے، بانی چیئرمین پی ٹی آئی دی تیمار داری کیتی اتے خیر سگالی سا سنیہا ݙتے۔ انہاں آکھیا مخالف نال اوں ویلھے مخالفت اچ چس آندی اے ڄݙاں او میدان اچ کھڑا ہووے، الیکشن مکݨ تے نواز شریف بیرون ملک یا اپݨے حلقے نئیں ڳئے ٻھل پہلے بنی گالہ گئن اتے بانی چیئرمین پی ٹی آئی دو سنگت دا ہتھ ودھائے جو رل تے ملکی معشیت دی بہتری کیتے کم کروں، ملک دے عام آدمی دا مسئلہ غربت، مہنگائی اے ڄیکوں حل کرݨ ساݙا فرض اے جیندے کیتے رل کے ٹرݨا ہوسی ٻ??ل تحریک انصاف ساݙی ہر پر خلوص کوشش کوں کمزوری سمڄھیے، انہاں چور ڈاکو دی گردان ورتی اتے ساکوں دشمن آہدے رہین، اساں چاہندے تاں ایں زبان اچ ولدا ݙے سڳدے ہاسے ٻھل قائد نواز شریف ہٹکیے جو کوئی ولدا نئیں ݙیوݨا اتے انہاں ساکوں اخلاق دے دائرے اچ رہندے تنقید کرݨ دا آکھیے۔ وزیر اطلاعات آکھیا جو اساں چارٹر آف ڈیموکریسی کیتے، ہر ڄھیڑا ٻل ڳئے ٻھل اے نا ݙٹھا ہا جو چور ڈاکو اتے غدار قرار ݙتا ونڄے، تقریر تے تنقید صرف ایوان اچ ہی تھیندی ہئی، سیاسی مظاہرے، جلسے، ٹرین مارچ وی تھیئن ٻھل کݙاھیں کہیں کوں ” تو” کر تے نئیں سݙیا۔ انہاں آکھیا جو گولیاں دی ڳالھ کرݨ آلے تحریک انصاف دے لیڈرز کݙاھیں ساہیوال اچ انہاں ٻالاں کوں وی ونڄ پرچایا ہئی جیندی اکھیں اڳو انہاں دے پیو ما قتل کیتے ڳئے ہن؟ بانی چیئرمین پی ٹی آئی دے خطاب ویلھے ملتان دے قاسم باغ جلسہ اچ بھگدڑ نال پی ٹی آئی دے 8 کارکن موئے ہن ٻھل بانی چیئرمین پی ٹی آئی تقریر کریندے رہے، کیا انہاں کوں پرچاوݨی ݙتی؟ اینڄھے کتنے واقعات ہین جیڑھے تہاݙے دور اچ تھئین، او بیان کرݨ لڳوں تاں واقعات نا مکسن۔ وفاقی وزیر عطاء اللہ تارڑ آکھیا جو کیا اموات دا کوڑا بیانیہ اساں ٻݨایا ہا؟ ڄیکر تساں سچے ہاوے تاں تہاݙے رہنما مختلف اعداد و شمار کی??ں ݙیندے رہین؟ ہکا ڳالھ کریندے، ماواں، ٻھیݨیں، دھیریں کوں سیاسی انتقام دا نشانہ ٻݨاوݨ دی ریت وی بانی چیئرمین پی ٹی آئی سٹی اے، رانا ثناءاللہ دی قید اچ حالت سامݨے اے، مریم نواز کوں پیو دے سامݨے گرفتار کرݨ دا کیا مقصد ھا؟ ساݙے نال تساں جو کیتے سو کیتے ٻھل اپݨے لوکاں کوں وی نئیں بخشیا، تساں عثمان بزدار کیتے پورے پنجاب اچ گند کیتے۔ وفاقی وزیر آکھیے جو ساݙے خون اچ پاکستانیت اچ جو ساݙے وݙکیاں پاکستان ٻݨاوݨ اچ ہتھ ونݙائے، اساں کتھائیں نئیں ونڄݨا، تہاکوں پٹھے مشورے ݙیوݨ آلے شہزاد اکبر اتے شہباز گل اڄ کتھاں ہین؟ اڄ ساݙے دور اچ شہزاد اکبر ڄھیاں کوئی مشیر کائنی، ایف آئی اے، نیب قواعد و ضوابط دے مطابق اپنی کارروائی کریندن، ساݙا فوکس معیشت تے ہے، اڄ شرح سود 13 فیصد تے آ گئی اے، مہنگائی 4 فیصد ہے، ترسیلات زر 8.8 ارب ڈالر تھی گئن، زرمبادلہ دے ذخائر 12 ارب ڈالر تھی چکین، معیشت درست ٹریک تے ویندی پئی اے، اساں چاہندوں جو ملک دا نظام بہتر تھیوے۔ انہاں آکھیا جو شیر افضل مروت چنڳی ڳالھ کیتی اے، ماحول بہتر تھیوݨا چاہید، مل ٻیھ تے ملکی ترقی کیتے کم کروں، حالی وی ویلھا اے جو اقتصادی ترقی اچ ہتھ ونݙاوں، ڄیکر تساں کوڑے بیانیے نال ٹرسو اتے ایکوں انتقام دی کھ نال ݙیکھسو تاں ول اڳو تے نئیں ودھیا ونڄ سڳدا۔
.jpg)
