اسلام آباد 04 نومبر (اے پي پي) د پاكستان تحريك انصاف او د اتحادي ګوندونو پارليماني پارټۍ په وزيراعظم عمران خان او حكومتي كاركردګۍ د بشپړه باور څرګندونې سره وئېلي دي د حكومت تاريخي اصلاحات به د هېواد پرمختګ لپاره مرستياله وګرځي٬د وزيراعظم وژن له مخې پاكستان د مدينې رياست په طرز اسلامي او فلاحي رياست جوړولو له به كردار ترسره كوو۔د ګل په ورځ د وزيراعظم عمران خان په مشرۍ كښې د پاكستان تحريك انصاف او اتحادي ګوندونو د پارليماني ګوند غونډه وشوه چې پكښې يو قرارداد په متفقه توګه منظور كړی شو۔په قرارداد كښې وئېلي شوي مونږ په حكومت او د وزيراعظم عمران خان پھ مشرۍ د بشپړه باور څرګندونه كوو او د دې خبرې پخلې كوو چې د حكومت تاريخي اصلاحاتو په نتيجه كښې به هېواد د پرمختګ پلو روان شي٬مونږ متفقه د وزيراعظم او حكومت په كاركردګۍ د باور څرګندونه كوو٬مونږ به پارليمان د جمهوري اقدارو له مخې فعاله ساتلو له كردار ترسره كوو۔قرارداد كښې وئېلي شوي په اوسنو حالاتو كښې د حكومت د مذاكراتو كمېټۍ كردار مهم ؤ او مونږ په هغې د بشپړه اطمينان څرګندونه كوو۔په قرارداد كښې پاكستان ته د پیښو معاشي٬سفارتي او نورو چېلنجونو مخ نيوي لپاره وزيراعظم او حكومت له د بشپړې مرستې باور وركوو
