اسلام آباد 14 دسمبر(اے پي پي) د تېر مالي كال په مهال د بلوچستان زده كوونكو ته 250 وظيفې وركړې شوې دي. دا وظيفې د بلوچستان او فاټا د انډر ګرېجوېټ سكالرشپ پروګرام فېز ټو له مخې وركړې شوې دي. د تعليم وزارت ذريعو له مخې په كوټه كښې 26، په كېچ كښې 14، په جعفر آباد كښې 15، په قلعه عبدالله كښې 13 ، په خضدار كښې 15 ، په لسبېله كښې 11 ، په پشين كښې 12 زده كوونكو ته دا وظيفې وركړې شوې دي. د ذريعو له مخې د قلات 8 ، د آواران 4، د بولان 10 ، د سبي 4 ، د ډېره بګټي 6 ، د چاغي 4 ، د ژوب 7 ، د لورالائي 8، د موسٰي خېل 5 او د باركهان 3 زده كوونكو ته وظيفې وركړې شوې دي.
