اسلام آباد۔3مئی(اے پی پی)وزیر مملکت برائے اطلاعات و نشریات فرخ حبیب آکھیے جو حکومت لوکاں کوں سوکھ ݙیوݨ کیتے رمضان بازاراں اچ 5 ارب روپے دی سبسڈی ݙتی اے۔ ہک نجی ٹی وی چینل نال الیندے انہاں آکھیا جو حکومت پیٹرولیم قیمتاں تے لڳا ٹیکس ڳھٹا ݙتے اتے حکومت شوگر مافیا تے قابو پاوݨ کیتے مثالی کردار ادا کیتے، صوبائی حکومتاں کوہ بازاراں اچ اشیائے ضروریہ دی قیمتاں ہتھیکے رکھݨ کیتے کردارادا کرن اتے ناجائز منافع خوری اچ ملوث عناصر دے خلاف سخت کارروائی کرن۔
