اسلام آباد- 30 نومبر (اي پي پي) سڌ سماءَ واري وفاقي وزير عطا الله تارڙ يو اي اي جي پريس قونصلر، دبئي قونصليٽ محمد صالح خان جي والد جي لاڏاڻي تي افسوس جو اظهار ڪيو آهي. گذريل ڏينهن وفاقي وزير پنهنجي تعزيتي بيان ۾ محمد صالح خان ۽ ٻين گهرڀاتين سان تعزيت ۽ همدردي جو اظهار ڪندي چيو ته محمد صالح خان جي والد جي لاڏاڻي جي خبر ٻڌي دلي ڏک ٿيو، والد هڪ عظيم نعمت آهي، جنهن جو وصال ڪنهن وڏي سانحي کان گهٽ ناهي. عطا الله تارڙ چيو ته وارثن جي ڏک ۾ برابر جو شريڪ آهيان. هن دعا ڪئي ته الله تعاليٰ مرحوم جا درجا بلند فرمائي ۽ پوئينرن کي صبر عطا فرمائي.
