اسلام آباد 06 نومبر (اے پی پی) د قامي اسمبلۍ سپيكر اسد قېصر وئيلي دي د پاكستان او ايران ترمېنځه د دوستۍ اړيكې منطقه كښې امن ٬ پرمختګ او سوكالۍ لپاره ضروري دي٬ اوسني حكومت د دواړو وروڼو هېوادونو ترمېنځه اړيكو ته د لا پراختيا وركولو خوښي لري۔ د دې خيالاتو څرګندونه ده د ايران سفير هنر مند دوست سره د شورو و په ورځ پارلمان كښې د ملاقات په مهال كړې۔ ده ووئيل اوسني حكومت د دواړو روڼو هېوادونو ترمېنځه اړيكو ته د لا پراختيا وركولو خوښي لري۔ اسد قېصر ووئيل شريكو ګټو لپاره به دواړو هېوادونو له تجارت٬ سرمايه كارۍ او د توان په اړه مرستې ته وده وركول وي۔ د قامي اسمبلۍ سپيكر اسد قېصر ووئيل اسلامي نړۍ ته د پېښو مسئلو حل لپاره به په ګده كار كول وي۔ په دې موقع د ايران سفير هنر مند دوست د دواړو هېوادونو ترمېنځه اقتصادي او د تجارتي اړيكو ودې لپاره د سپيكر تجويز سره اتفاق وكرٶ۔ ده ووئيل د اسلامي هېوادونو ترمېنځه اتحاد ته ودې وركولو لپاره د پاكستان كردار د ستائنې وړ دے۔ په دې موقع د ايران سفير دايران سپيكر لخوا په دسمبر كښې د سپيكرانو په دوېم كنفرنس كښې اسد قېصر ته د ګډون كولو بلنه هم وركړه
