اسلام آباد ۔ 13 جنوری(اے پی پی) وزیراعظم او چیف جسټس آف پاکستان دیامر بھاشا و مهمند ډېم فنډ كښې تر دې دمه 9.132 ارب روپۍ جمع شوېدي۔ د سټېټ بېنک آف پاکستان لخوا د جاري كړې شويو شمېرو ترمخه په ډېم فنډ كښې هېواد دننه څخه د 7.912 او بهر هېوادونو څخه د 1.22 ارب روپو عطيات جمع شوي دي۔ په سمندرې پورې پاكستانيانو كښې امريكا كښې مېشته پاكستاني وګړي ډېم فنډ ته عطياتو وركولو كښې تر ټولو وړاندې دي كومو چې تر دې دمه د 443.572 ملین روپو فنډز جمع كړې دي۔ برطانينه كښې مېشته پاكستانيانو تر دې دمه ډېم فنډ ته د 234.642 ملین روپو عطيې وركړې دي۔ دغسې د بېلو سېلولر کمپنیو لخوا د اېس اېم اېس دلارې د 132.4 ملین روپو فنډز جمع كړې شوي دي۔ د سټېټ بېنك شمېرو ترمخه د پنجاب حكومت په سركاري ډونرز كښې تر ټولو وړاندې دې كوم چې د 1.09 ارب روپو فنډز جمع كړي دي۔ چیف جسټس آف پاکستان د جولائي په 10 نېټه كال 2018ء دیامر بھاشا و مهمند ډېم فنډ پېل كړې وو۔ وروستو وزيراعظم عمران خان هم په دې قامي كاز كښې د شاملېدو اعلان وكړو۔ دې څخه وروستو د ډېم فنډ نامه وزیراعظم و چیف جسټس آف پاکستان فنډ دیامر بھاشا و مهمند ډیم كېښودلې شوه
