واشنګټن 12 اپریل (اے پی پی) واشنګټن ډی سی كښې د نړيوال بانك او نړيوال مالیاتی فنډ كلنه غونډه روانه ده، د غونډې په دويمه ورځ د پاکستان پلاوي د خزانې وزیر اسد عمر په مشرۍ كښې غونډه كښې ګډون وكړو۔ د پاکستان پلاوې په دې موقع ځينې دوه اړخيزه ملاقاتونه هم كړې۔ د خزانې وزیر په مشرۍ كښې د پاکستان پلاوي د اسيائي پرمختيائي بانك صدر ټاکی هیکو ناکاؤ سره وليدل۔ د خزانې وزیر هغه د پاکستان کلی معیشت (میکرو اکنامک) صورتحال په اړه خبر كړو۔ ملاقات كښې د پاکستان او نړيوال بانك ترمينځه د روانې مرستې او پروژو جاج هم واخستلې شو۔ د نړيوال بانك صدر پاکستان كښې د اصلاحات عمل وستائلو او په دې لړ كښې ئې د نړيوال بانك د اړخه د بشپړه مرستې باور وركړو۔ دې څخه وړاندې د خزانې وزیر د نړيوال بانك ډلې سره ملاقات كښې په نړيوال بانك كښې د پاکستان پورټ فولیو په چارو د خيالاتو څرګندونه وشوه۔د نړيوال بانك ډلې مشري د سوئيلي اسياﺀ لپاره د نړيوال بانك دوهم صدر هاټ شیفر كوله۔ ملاقات كښې د پاکستان لپاره د نړيوال بانك د سباؤن پروژو او پاکستان كښې په بيلو څانګو كښې د ښه والې لپاره د نړيوال بانك مرستې په اړه د خيالاتو څرګندونه وشوه۔ د خزانې وزير په مشرۍ كښې د پاکستان پلاوي د نړيوال بانك ګڼ اړخيزه سرمایه کارۍ ګارنټی ایجنسی (اېم آئی جے اے) ډلې هم ملاقات وكړو۔د ډلې مشري د ایجنسۍ چیف آپریټنګ آفیسر ویجے آئر کوله۔ په دې غونډه كښې د پاکستان حکومت نجکارۍ په پالیسۍ او هېواد كښې د سرکاری او نجی څانګې شراکت دارۍ په فریم ورك كښې د پراختيا د چارو جاج واخسلې شو۔ ډلې د خزانې وزیر د ایجنسۍ او پاکستان ترمينځه د مرستې څخه خبر كړو۔ د خزانې وزیر د امریکې د خزانې محکمې ډلې سره هم ملاقات وكړو۔ د خزانې وزیر ډله د پاکستان د معیشت صورتحال، اصلاحاتو عمل او منی لانډرنګ مخنيوي لپاره د شوو اقداماتو څخه خبر كړه۔ دغسې د خزانې وزیر د سعودی عرب خپل همڅنګ محمد الجدان سره هم ملاقات كړے ۔ د سعودی د خزانې وزیر خپل هم څنګ اسد عمر د سعودی عرب د معیشت او سعودی عرب كښې د پاکستانیانو كارمندانو لپاره د روزګار موقعو څخه خبر كړو
