اسلام آباد 10 جون (اے پي پي﴾ د پاكستان تحريك انصاف وفاقي حكومت به خپل وړومبې بجټ ﴿نن﴾ د نهې په ورځ وړاندې كوي۔ په قومي اسمبلۍ كښې د راتلونكي مالي كال 20-2019م د بجټ حجم تقريباَ 6500 اربه روپې متوقع دے چې پكښې د ټېكس وصولې هدف 5500 اربه روپې ساتلې شوې۔ د راتلونكي مالي كال د پرمختيائي بجټ حجم 1837 اربه روپې او د وفاق له مخې د سركاري څانګې د پرمختيائي پروګرام له مخې 925 اربه روپې بېلې كړې شوې دي۔ حكومت د روغتيا څانګې پرمختيائي پروګرامم له مخې په سېګرټو او مشروباتو په ټېكس لګولو هم غور كوي۔ دا ټېكس به د روغتيا په څانګه خرڅ كولې شي۔ وزيراعظم عمران خان د خزانې وزارت ته د اولس دوست بجټ تيارولو حكم كړے چې دغسې عام وګړې ريليف ترلاسه كړي۔ د يادونې وړ ده چې اولس مشر د بجټ سېشن په اړه د قومي اسمبلۍ غونډه د ګل په ورځ د جون په 10مه نېټه رابللې وه او ﴿نن﴾ د نهې په ورځ به د پاكستان تحريك انصاف حكومت خپل وړومبې وفاقي بجټ وړاندې كوي
