اسلام آباد 04 اګست (اے پی پی) د مواصلاتو وفاقي وزير مراد سعيد وئيلي دي چې د وزيراعظم عمران خان په مشرې كښې به د 10 اربه ونو نال كولو هدف ترلاسه كوو٬ په اوسني دور كښې د سياسي كچرې پاكولو٬ د كراچې او ټول هېواد سړكونه د كچرې نه د پاكولو كار روان دے٬ د كشميريانو مقدمه به په هر ځائ كښې وړاندې كوو٬ د ټول هېواد په لويو لارو د شينې لارې په نوم د ونو نال كولو كمپائن پېل كړے شوے۔ وفاقي وزير دا خبرې د اتوار په ورځ په مندره كښې د كلين او ګرين پاكستان پروګرام دستورې ته د خپلې وېنا په مهال وكړې۔ په دې موقع د وزيراعظم د موسمياتي بدلون سلاكار ملك امين اسلم هم وېنا وكړه۔ په دې موقع د اېن فائيو د ونو نال كولو د كمپائن پرانسته هم وكړې شوه۔ وفاقي وزير ووئيل چې نن د پوليسو د شهيدانو ورځ ده٬ د پاكستان وسله وال ځواكونه د پولو ساتونكي دي او ورسره د پوليسو ځوانان په پاكستان كښې دننه د امن او امان بحالې لپاره ځان قربانوي۔ مونږ د دوي قربانيو ته د عقيدت پېرزوينه وړاندې كوو۔ وفاقي وزير ووئيل چې د وزيراعظم عمران خان په مشرې كښې به د 10 اربه ونو نال كولو هدف ترلاسه كوو٬ په اوسني دور كښې د سياسي كچرې پاكولو٬ د كراچې او ټول هېواد سړكونه د كچرې نه د پاكولو كار روان دے٬ د كشميريانو مقدمه به په هر ځائ كښې وړاندې كوو٬ د ټول هېواد په لويو لارو د شينې لارې په نوم د ونو نال كولو كمپائن پېل كړے شوے۔ په دې موقع د وزيراعظم سلاكار ملك امين اسلم ووئيل چې په نړيواله كچه د كلين او ګرين كمپائن ډاډګېرنه شوې۔ ونې نال كولو سره مونږ راتلونكي نسلونه محفوظ كولې شو۔ ده ووئيل چې وزيراعظم به د ګل په ورځ په اسلام آباد كښې د ونو نال كولو د كمپائن پرانسته كوي۔
