ګلګت ۔ 15 اګست (اے پی پی) د ګرد هېواد په ډول ګلګت بلستان كښې هم توره ورځ ولماځلې شوه۔ ددې ورځې مناسبت سره تر اتحاد چوك رېلي وويستلې شوه كومه كښې چې د ژوند بېلو څانګو سره تعلق لرونكو وګړو لوئې شمېر كښې ګډون وكړو۔ په دې مهال ګډون كوؤنكو په لاسونو تورې پټۍ تړلې وې او كشميري اولس سره د يو والي څرګندونې له او د هندي ظلمونو په ضد ئې نعرې پورته كولې۔ د تورې ورځې لمانځلو او د احتجاجي لاريون اصل مقصد په كشميري اولس د هندوستاني حكومت د روان زور او زياتي په شمول د كشمير د خصوصي حېثيت ختمولو په ضد احتجاج كول او نړۍ ددې بربريت او ظلم څخه خبرول دي۔ رېلي ته خطاب كوؤنكو ووئيل د كشميري اولس سره سره نور اقليتونه هم دې كښې خوښي لري چې هغوي پاكستان سره يو ځائې كېدو سره په آزاده توګه د خپلې عقيدې او مذهبي آزادۍ څرګندونه وكړې شي۔ په لاريون كښې ددې خبرې هم پخلې وكړې شو چې د ګلګت بلستان هېواد سره مينه لرونكي د كشميري اولس د خپلواكۍ حق ترلاسه كولو له دوئي سره سم ولاړ دي۔ دوئي ټولې نړۍ او په خاص توګه ملګرو ملتونو ته اپيل كولو سره ووئيل چې هغوي دې مقبوضه كشمير كښې په مسلمانانو د هندي ځواكونو ظلم او زياتې بندولو كښې خپل كردار ترسره كړي۔ د مقبوضه کشمیر متنازعه حېثیت دې په ځائې وساتلې شي او د هند دا غېر قانوني ٬ غېر اخلاقي او غېر جمهوري عمل دې په سمدستي توګه ودرولې شي۔ دوئي زياته كړه چې د مقبوضه كشمير خلقو ته دې د خپلواكۍ حق د ملګرو ملتونو د قراردادونو ترمخه وركړې شي او دا مسئله دې ټول عمري له حل كړې شي
