اسلام آباد۔31مئی (اے پی پی) آزادجموں تے کشمیر دے وزیراعظم چوہدری انوارالحق زرداری ہاؤس اسلام آباد اچ وزیر خارجہ پاکستان تے چیئرمین پاکستان پیپلز پارٹی بلاول بھٹو زرداری نال ملاقات کیتی۔ ݙوہیں رہنماواں آزاد کشمیر حکومت کوں درپیش معاشی مسئلے، آندے بجٹ اتے آزاد کشمیر دی سیاسی صورتحال تے ڳالھ کیتی۔ وزیر حکومت راجہ فیصل ممتاز راٹھور وی وزیراعظم نال ہن۔ زرداری ہاؤس آوݨ تے وزیراعظم چوہدری انوارالحق کوں صدر پیپلز پارٹی آزادکشمیر چوہدری محمد یٰسین خوش آمدید آکھیا۔ وزیر خارجہ بلاول بھٹو زرداری کشمیری عوام دی سیاسی، اخلاقی اتے سفارتی حمایت جاری رکھݨ دا عزم کیتا۔
