اسلام آباد – 30 – آڪٽوبر (اي پي پي) نگران وزيراعظم انوارالحق ڪاڪڙ پشتو جي ناليواري شاعر، ريڊيو پاڪستان پشاور جي اڳوڻي ڊائريڪٽر لائق زاده لائق جي لاڏاڻي تي افسوس جو اظهار ڪيو آهي. وزيراعظم آفيس جي ميڊيا ونگ پاران جاري بيان موجب نگران وزيراعظم انوارالحق ڪاڪڙ چيو ته لائق زاده لائق جون پشتو ادب جي لاءِ لازوال خدمتون آهن، پشتو ادب اڄ هڪ عظيم شاعر، اديب ۽ ليکڪ کان محروم ٿي ويو. نگران وزيراعظم مرحوم جي مغفرت ۽ سوڳوارن جي لاءِ صبر جميل جي دعا ڪئي.
