اسلام آباد-16 نومبر (اي پي پي) پرڏيهي سيڪريٽري آمنه بلوچ سان اسپين جي سينيٽ جي پرڏيهي معاملن واري ڪميٽي جي اعليٰ سطحي وفد ملاقات ڪئي. پرڏيهي آفيس مان جاري بيان موجب ملاقات دوران گڏيل دلچسپي جي معاملن تي خيالن جي ڏي وٺ ٿي. جنهن ۾ خاص طور تي پارلياماني سهڪار، واپار، عوامي سطح تي رابطن، اقتصادي لاڳاپن تي خصوصي ڌيان ڏيڻ تي غور ڪيو ويو. ملاقات دوران علائقائي ۽ عالمي معاملن تي پڻ خيالن جي ڏي وٺ ڪئي وئي.
