اسلام آباد – 12 – نومبر (اي پي پي) صدر آصف علي زرداري گلگت ۾ ڪوسٽر جي حادثي ۾ قيمتي جاني نقصان تي گهري ڏک ۽ افسوس جو اظهار ڪيو آهي. ايوان صدر جي پريس ونگ پاران جاري هڪ بيان موجب صدر آصف علي زرداري امدادي ڪارروايون تيز ڪرڻ جي ضرورت تي زور ڏنو. صدر فوت ٿيندڙن جي پونئيرن سان تعزيت جو اظهار ڪيو. هن چيو ته ڏک جي هن گهڙيءَ ۾ منهنجون همدرديون فوت ٿي ويلن جي وارثن سان آهن. صدر فوت ٿيندڙن جي درجن جي بلندي ۽ گهرڀاتين جي لاءِ صبر ۽ جميل جي دعا ڪئي.
