اسلام آباد – 19 – نومبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان برطانيا جي پرڏيهي معاملن واري انڊر سيڪريٽري هميش فالڪنر ملاقات ڪئي. پرڏيهي آفيس پاران جاري بيان موجب هن گڏيل دلچسپي جي علائقائي ۽ ٻطرفن معاملن تي خيالن جي ڏي وٺ ڪئي ۽ موسمياتي تبديلي بابت چئلينجز کي منهن ڏيڻ سميت پاڪستان ۽ برطانيا جي وچ ۾ تعاون کي وڌيڪ سگهه ڏيڻ جي طريقن تي اتفاق ڪيو. نائب وزيراعظم پاڪستان ۽ برطانيا جي وچ ۾ روايتي طور تي خوشگوار لاڳاپن کي وڌيڪ مستحڪم ڪرڻ جي پاڪستان جي خواهش جو ورجاءُ ڪيو.
